Dansfélagið Vefarinn

Nú vefum við mjúka, og dýrindis dúka

Haust 2012

4. október 2012 kl. 11.43 · Óflokkað

Ágætu dansfélagar og aðrir sem villast inná þessa síðu. Nú er vetrarstarfið byrjað hjá okkur, búnar 3 æfingar og að vanda vel mætt og allir glaðir finnst mér. Framundan er ýmislegt, við munum halda dansmót í lok okt og þá væntum við þess að dansarar frá ýmsum stöðum á Norðausturlandi muni verða með okkur. Svo er aldrei að vita nema við endurtökum leikinn frá í vor - með Söngfélaginu Sálubót. Nánar um það síðar.

  4.æfing haustsins í kvöld, verður bara gaman.

Kveðja Magga

Akureyri 150 ára

23. ágúst 2012 kl. 14.20 · Óflokkað

Vefarafélar ágætir.  Að sjálfsögðu tökum við þátt í afmælishátíðarhöldum Akureyrarbæjar. Dansfélagið Vefarinn mun verða á Akureyrarvelli á laugardaginn 1.sept. í góðum félagsskap. Að dagskrá lokinni þar verður haldið í miðbæinn og dansað þar á nokkrum stöðum. Nánar um staði og stundir þegar nær dregur.. Hlökkum til að sjá ykkur og gesti og gangandi.

Kv. Magga og Gunni 

Sumarið 2012

12. júní 2012 kl. 23.20 · Óflokkað

Kæru félagar. Næsta sýning er á sunnudaginn næsta 17.júní kl 16:00 á Ráðhústorginu, gott væri ef þau sem ætla að dansa þar komi til Maríu og Gústa á fimmtudagskvöld 14.júní kl.20:00. Það er komið á hreint að við verðum ekkert á Þjóðlagahátíð þetta árið, segi ykkur betur frá því öllu næst þegar við hittumst. Svo förum við í Burstarfell 8.júlí og á bryggjuna hér á Ak 10.júlí. Við gerum okkar besta eins og venjulega og ekki spurning að við höfum rosa gaman af þessu öllu…. Hlökkum til að sjá ykkur.. Kveðja Magga og Gunni

Vorhátíð

18. maí 2012 kl. 9.35 · Óflokkað

Er ekki komið sumar? :)   Við Vefarafélagar ætlum að hittast á laugardaginn(á morgun)  hjá Sillu og Palla (í bústaðnum þeirra) og njóta lífsins um stund. Hver veit nema það verði sungið svosem eins og eitt eða tvö lög og kannski líka dansað smá. Það eru allavegana 3 sýningar á dagskrá í sumar, en það sem er næst hjá okkur er að dansa við Minjasafnið 2.júní. En annars bara takk fyrir veturinn - og vonum að okkur takist að hafa næsta starfsár jafn skemmtilegt og kraftmikið og það sem er að klárast .. Með sumarkveðju. Magga

Dönsum og syngjum

25. apríl 2012 kl. 15.45 · Óflokkað

Í gærkvöld dönsuðum við í Hofi - vá hvað var gaman. Fullur salur af fólki, held það hafi samt sloppið til að ekki þyrfti að vísa neinum frá. Sálubótarfólk söng eins og englar(það sem ég heyrði en ætla nú að hlusta betur á Húsavík). Ég vona svo sannarlega að gestir hafi skemmt sér eins vel og við. Þeir sem ekki komust í gærkvöld hafa möguleika að sjá/heyra okkur á Húsavík annað kvöld 26.mars kl 20.30…Takk fyrir okkur…

 Magga og Gunni 

Vorsýningar Vefarans

17. apríl 2012 kl. 10.42 · Óflokkað

Kæru vinir. Nú fer að styttast í sýningar hjá okkur, í ár ætlum við að efna til samstarfs með Söngfélaginu Sálubót. Þriðjudaginn 24.apr. verðum við í Hofi (Hömrum) og í Borgarhólsskóla á Húsavík fimmtud. 26.apr. á báðum stöðum kl. 20:30. Kórinn mun flytja söngdagskrá og mun líka syngja undir dansi félaga í Vefaranum. Dansfélagar munu svo sýna nokkra dansa án kórsins og sem dæmi verður Vefardansinn sýndur bæði á íslenskan hátt og eistneskan. Aðgangseyrir er kr. 2000 og frítt fyrir 14 ára og yngri. Vonum að þið gefið ykkur tíma til að sjá skemmtilega dansa og hlusta á ljúfa tónlist. Við lofum góðri kvöldstund..

 Kveðja Magga og Gunni

Góugleði o.fl.

19. mars 2012 kl. 15.29 · Óflokkað

Kæru félagar og aðrir sem villast inná þessa síðu. Það sem af er ári hefur sem fyrr verið mjög vel mætt á æfingar oftast u.þ.b. 30 manns. Við höfum mikið verið að fínpússa og koma nýju fólki inní gamla dansa. Lansé gengur svona líka glimrandi vel. Góugleðin okkar var síðast laugardagskvöld- aldeilis hreint ágæt samkoma það. Nefndinni séu hér þakkir færðar. Nánari upplýsingar um framkvæmd vorsýninga verða fram bornar á næstu æfingu… Höldum svo áfram sem hingað til að dansa, syngja og hlægja…

Kveðja Magga 

Nýtt ár

12. janúar 2012 kl. 13.25 · Óflokkað

Ágætu félagar. Takk fyrir síðast öllsömul, takk Maja og Gústi fyrir gott súkkulaði og meðí og takk fyrir kleinurnar Sissa og Jón á þrettándanum. Svo hittumst við í kvöld, Gunni var eitthvað að glugga í bækur í gærkvöld, veit svosem ekki hvort nokkuð kemur útúr því. Við allavegana munum dansa, syngja og hafa gaman eins og við erum vön. Mætum hress að vanda og byrjum þetta ágæta ár 2012.

Kveðja

Magga

Þrettándinn

6. janúar 2012 kl. 16.12 · Óflokkað

Ágætu félagar og aðrir sem vilja lesa þetta. Nokkrir félagar úr okkar hópi munu dansa og syngja við þrettándabrennu Þórs á Akureyri í kvöld 6.jan um kl. 19:00. Með ósk um gleðilegt ár og þökk fyrir liðnar stundir.

Kveðja

Magga og Gunni

Jól

25. desember 2011 kl. 23.24 · Óflokkað

Kæru félagar. Bestu óskir um góða jólahátíð (með miklu konfekti og öðru ljúfmeti) og frábært nýtt ár með þökk fyrir allar skemmtilegu stundirnar á þessu ári. Hlökkum til að halda áfram að dansa, syngja og hlæja með ykkur, við gerum örugglega eitthvað skemmtilegt á næsta ári ekki síður en undanfarið.

Vonum að allir hafi það sem allraallra best og allir geti notið lífsins þessa hátíðardaga

Kveðjur

Magga og Gunni