Er ekki komið sumar?   Við Vefarafélagar ætlum að hittast á laugardaginn(á morgun)  hjá Sillu og Palla (í bústaðnum þeirra) og njóta lífsins um stund. Hver veit nema það verði sungið svosem eins og eitt eða tvö lög og kannski líka dansað smá. Það eru allavegana 3 sýningar á dagskrá í sumar, en það sem er næst hjá okkur er að dansa við Minjasafnið 2.júní. En annars bara takk fyrir veturinn - og vonum að okkur takist að hafa næsta starfsár jafn skemmtilegt og kraftmikið og það sem er að klárast .. Með sumarkveðju. Magga

Í gærkvöld dönsuðum við í Hofi - vá hvað var gaman. Fullur salur af fólki, held það hafi samt sloppið til að ekki þyrfti að vísa neinum frá. Sálubótarfólk söng eins og englar(það sem ég heyrði en ætla nú að hlusta betur á Húsavík). Ég vona svo sannarlega að gestir hafi skemmt sér eins vel og við. Þeir sem ekki komust í gærkvöld hafa möguleika að sjá/heyra okkur á Húsavík annað kvöld 26.mars kl 20.30…Takk fyrir okkur…

 Magga og Gunni 

Kæru vinir. Nú fer að styttast í sýningar hjá okkur, í ár ætlum við að efna til samstarfs með Söngfélaginu Sálubót. Þriðjudaginn 24.apr. verðum við í Hofi (Hömrum) og í Borgarhólsskóla á Húsavík fimmtud. 26.apr. á báðum stöðum kl. 20:30. Kórinn mun flytja söngdagskrá og mun líka syngja undir dansi félaga í Vefaranum. Dansfélagar munu svo sýna nokkra dansa án kórsins og sem dæmi verður Vefardansinn sýndur bæði á íslenskan hátt og eistneskan. Aðgangseyrir er kr. 2000 og frítt fyrir 14 ára og yngri. Vonum að þið gefið ykkur tíma til að sjá skemmtilega dansa og hlusta á ljúfa tónlist. Við lofum góðri kvöldstund..

 Kveðja Magga og Gunni

Kæru félagar og aðrir sem villast inná þessa síðu. Það sem af er ári hefur sem fyrr verið mjög vel mætt á æfingar oftast u.þ.b. 30 manns. Við höfum mikið verið að fínpússa og koma nýju fólki inní gamla dansa. Lansé gengur svona líka glimrandi vel. Góugleðin okkar var síðast laugardagskvöld- aldeilis hreint ágæt samkoma það. Nefndinni séu hér þakkir færðar. Nánari upplýsingar um framkvæmd vorsýninga verða fram bornar á næstu æfingu… Höldum svo áfram sem hingað til að dansa, syngja og hlægja…

Kveðja Magga 

Ágætu félagar. Takk fyrir síðast öllsömul, takk Maja og Gústi fyrir gott súkkulaði og meðí og takk fyrir kleinurnar Sissa og Jón á þrettándanum. Svo hittumst við í kvöld, Gunni var eitthvað að glugga í bækur í gærkvöld, veit svosem ekki hvort nokkuð kemur útúr því. Við allavegana munum dansa, syngja og hafa gaman eins og við erum vön. Mætum hress að vanda og byrjum þetta ágæta ár 2012.

Kveðja

Magga

Ágætu félagar og aðrir sem vilja lesa þetta. Nokkrir félagar úr okkar hópi munu dansa og syngja við þrettándabrennu Þórs á Akureyri í kvöld 6.jan um kl. 19:00. Með ósk um gleðilegt ár og þökk fyrir liðnar stundir.

Kveðja

Magga og Gunni

Kæru félagar. Bestu óskir um góða jólahátíð (með miklu konfekti og öðru ljúfmeti) og frábært nýtt ár með þökk fyrir allar skemmtilegu stundirnar á þessu ári. Hlökkum til að halda áfram að dansa, syngja og hlæja með ykkur, við gerum örugglega eitthvað skemmtilegt á næsta ári ekki síður en undanfarið.

Vonum að allir hafi það sem allraallra best og allir geti notið lífsins þessa hátíðardaga

Kveðjur

Magga og Gunni

Jæja kæru félagar,  takk enn og aftur þið sem voruð með okkur í gær og takk Jón fyrir aksturinn. Það er alltaf jafn gaman að vera með ykkur, og við svo sannarlega vonum að áhorfendur hafi skemmt sér jafnvel og við. Ég reyndar veit að þetta framlag okkar veitir birtu í sál og sinni þessa aldraða fólks, svo marga kossa og mörg faðmlög fáum við. 

Mig langar að ítreka við ykkur að þið endilega komið sem allra flest næsta fimmtudag svona til að syngja með okkur jólalögin, því eftir þessa æfingu förum við í jólafrí. Nema við sem ætlum að dansa á Hlíð fáum ekki frí fyr en að því loknu.. 

 Knús og kossar til ykkar allra

Magga og Gunni 

Í kvöld er lokaæfing fyrir jólasýningar, 1.des verður síðasta æfing á þessu ári þá verður rennt yfir það sem á að sýna á Hlíð og svo bara leikum við okkur- endilega komið öll þá hvort sem þið ætlið að sýna á Hlíð eða ekki.

Hóhó

Magga og Gunni

Kæru félagar og aðrir sem lesa hér.

Við dansfélagar munum hittast í Stórutjarnaskóla annaðkvöld (14.okt.2011) og dansa-syngja og gera okkur glaða daga alla helgina. Endilega ef einhverjir eiga eftir að skrá sig að gera það í kvöld, það er ennþá pláss… Það verður örugglega gaman, Gunni er kominn með langan lista af dönsum og búinn að hressa uppá ýmis spor á stofugólfinu heima (mér skilst hann hafi verið með harðsperrur í gær)

Hlakka til að hitta ykkur

Kveðja  Magga